Interi është gati që të “befasojë” sërish Milanin në këtë merkato vere. Pas transferimit të francezit Markus Turam, klubi zikaltër është vënë në ndjekje të një tjetër objektivi të kuqezinjve.
Bëhet fjalë për Daiçi Kamada, i cili prej kohësh ka pranuar ofertën e “Djallit”, por zyrtarizimi po mungon, duke bërë që japonezi të ndryshojë mendje.
“FCInterNews” raporton se agjenti i 26-vjeçarit është i lodhur nga Milani dhe ka nisur të bisedojë me Interin.
Nga ana tjetër, zikaltërit e shikojnë si mundësi të mirë Kamadën për të zëvendësuar Brozoviçin, duke parë që japonezi është një lojtar i lirë pasi i dha fund aventurës me Eintrahtin e Frankfurtit.
Gjithsesi objektivi kryesor i Interit vazhdon të jetë Davide Fratezi, me italianin që gjithashtu ka shprehur se dëshiron të luajë me zikaltërit.
Discussion about this post