Pas pesë vitesh Teatri Kombëtar i Operas dhe Baletit rihapi dyert mbrëmjen e 15 shtatorit me një mbrëmje gala. Eventi i organizuar bëri bashkë të madhin Placido Domingo, Ermonela Jaho, gjithashtu artistët më të mirë shqiptarë të operas, baletit dhe instrumentit. si: Ylber Gjini, Vikena Kamenica, Eva Golemi, Armando Likaj, etj. Ndërkohë të ftuar ishin edhe artistët, Klodjan Kaçani dhe Elvin Hoxha-Ganiyev.
Por ajo që u vu re dhe që ngjalli shumë aludime ishte mungesa e artistes së madhe Inva Mulës. Rreth këtyre lajmeve sapo ka reaguar TKOB, ku me anë të një postimi të gjatë sqaron të vërtetën. Mësohet se Inva Mula ka marrë tre ftesa zyrtare nga Tetari po ka zgjedhur të mos i përgjigjet asnjërës prej tyre. Tre emailit që i janë dërguar artistes në periudha të ndryshme për shkak se eventi është shtyrë, së pari për shkak të tërmetit dhe më pas nga pandemia.
TKOB nëpërmjet Drejtoreshës Artistike, znj. Abigeila Voshtina ka thënë se ashtu si të gjithë artistëve shqiptar ekselentë, i ka dërguar edhe znj. Inva Mula ftesat zyrtare për pjesëmarrjen në programin artistik të Mbrëmjes Gala të Inaugurimit të Rikonstruksionit të TKOB
