Një vrasje e mundshme është parandaluar në rrugën “Tre vëllezërit Kondi” në Tiranë, ku 30-vjeçari, Ervin Selita, i njohur me emrin e artit si Vinz, ka tentuar të vrasë pronarin e një hoteli për motive të dobëta. Selita fillimisht u konfliktua me recepsionistin e cila nuk e la të hynte në hotel me vajzën që e shoqëronte pa i dhënë kartën e identitetit dhe konflikti vijoi më pas me një nga pronarët e hotelit.
Vinz-i, me origjinë nga Burreli është një nga protagonistët e grupit Hellbanianz. Disa prej këngëve të këtij grupi, të konsideruar si ‘gangsterët e Londrës’ i dedikohen anëtarëve të grupit tashmë të burgosur për krime të ndryshme.
Hellbanianz është grupi muzikor që e ka zhvilluar aktivitetin mes Londrës dhe Tiranës, anëtarët e së cilës kanë qenë shumë herë në fokus të investigimeve të mediave britanike për jetën e shtrenjtë me makinat luksoze, si rezultat i përfshirjes në aktivitete kriminale.
Pas situatës së ndodhur është zbardhur dhe dëshmia e reperit të njohur, i cili pasi u arrestua bashkë me partneren e tij, ka thënë se është klient i rregullt i hotelit dhe ndaj ishte mërzitur që i kishin kërkuar kartën e identitetit. Ai ka thënë më tej se ka qenë i dehur ku ka ndodhur ngjarja.
“Jetoj afër hotelit dhe i njoh mire se jam klient i rregullt. Fakti që me kërkuan kartë identiteti më mërziti se ata me njihnin. Isha i dehur kur ndodhi ngjarja”, ka thënë 30-vjeçari.
Por për ironi të fatit, Vinz ditën e djeshme publikojë një këngë në të cilën i bënte “diss” policisë. Në një bashkëpunim me Stealth, në këngën me titull “Poppin Smoke”, reperi ndër të tjera thotë se kur kërcet arma, është si melodi. Po ashtu ai përmend se nuk pyet për shtetin. Kjo këngë për ironi i është “kthyer” kundër pasi mëngjesin e sotëm ai ka rënë në pranga.
Një pjesë e tekstit
Kur e ni hekrin tu kerrcit o si melodi
me shofer vet jom pasagjer
tu ik policis
Nkoh t’rinis nstacion tpolicis tu dhon intervist
dun me dit kush e shkrepi senin ju thash nuk e di
mjeti vjedh targat tjeter ven
provat nuk i gjen
nton qytetin vet i pesti kallashat me veti
lucky off e din vet ti nuk pysim per shtetin
popin’ off everyëhere ti ike si lepri
I let off in your head po ty tfali hekri
Kujtojmë se i riu nga Burreli jeton në Angli ndërsa është kthyer së fundmi për disa ditë në Tiranë. Ervin Selita ka precedentë të mëparshëm penalë pasi ka qenë i arrestuar edhe më herët, rreth dy vite më parë. \Gijotina.com\
Discussion about this post