Ish-drejtoresha e Autoritetit Rrugor Shqiptar, Sonila Qato ka mbërritur në ambientet e Gjykatës Kundër Korrupsionit dhe Krimit të Organizuar në zhvillimin e seancës paraprake.
Sonila Qato akuzohet se ka shpërdoruar detyrën në lidhje me aksin rrugor Kardhiq-Delvinë. SPAK e akuzon ish-zyrtaren për disa vepra penale si “shpërdorim detyre”, “shkelje e barazisë në tendera”, “falsifikim dokumentesh”, “korrupsion pasiv të personave që ushtrojnë funksione publike”.
Më herët, SPAK mori nën hetim bashkë me Qaton edhe 9 persona të tjerë. Hetimi vijon për lotin e 7-të të rrugës Kardhiq-Delvinë me vlerë gati 60 mln Euro.
Çështja nisi me një raport të Kontrollit të Lartë të Shtetit që zbuloi i pari shkeljet dhe e referoi çështjen në prokurori. Bashkë me Qaton, të pandehur nga SPAK janë marrë Elona Gogo, Simon Prendi, Arbër Troka, Ariana Hasani, Erdit Salillari dhe Almir Hoxhaj. Nën hetim janë edhe Nikollaq Mihali, Miranda Shkurti, Admir Pahumi.
Discussion about this post