Ish-shefi i anti-drogës, Dritan Zagani tha në emisionin “Review” se tashmë e meritojmë titullin “narko-shtet”, pikërisht prej sasisë së madhe të trafikimit të lëndëve narkotike.
Sipas tij, situata aktuale, nisur dhe nga zbulimi i serës me kanabis në Berat, është shumë më keq se koha e Lazaratit.
“Nuk mund të krahasohet fenomeni Lazarat me fenomenin e mbjelljes apo të trafikut të drogës sot ku ne kemi merituar me diplomë titullin narko-shtet në të gjitha instancat ligjzbatuese të vendeve partnere, kufitare apo dhe më gjerë, e deri në Ekuador ne jemi cilësuar si një narko-shtet tashmë,’ – u shpreh Zagani.
700 arka me kanabis dhe 8 thasë me boçe kanabisi me peshë 870 kilogramë janë sekuestruar në serën në Berat.
Pronari është një 36-vjeçar, ndërsa gratë që paketonin produktin po hetohen për të kuptuar rolin e tyre në organizatë. Ato ishin kryesisht nga zonat periferike të Tiranës.
Discussion about this post