Samir Nasri ka njoftuar së fundmi largimin nga futbolli i luajtur. Ndërsa ka folur për ‘Le Journal du Dimache’ ish-ylli i Manchester City-t dhe Arsenal ka bërë me dije këtë vendim.
Sipas 34-vjeçarit marrëdhënia e tij me futbollin ndryshoi në vitin 2018 kur u dënua me pezullim për 18 muaj nga UEFA për shkak të shkeljes së rregullave anti-doping.
“Një episod që më lëndoi keq dhe ndryshoi marrëdhënien time me futbollin, ishte pezullimi im. Ishte më shumë se e padrejtë, nuk kisha marrë asnjë ilaç dopingu. Ishte vetëm një injeksion i vitaminave sepse isha i sëmurë” – u shpreh ish lojtari që tashmë është analist në ‘Canal +’.
Pasi kalo dënimin francezi nuk mendoj të tërhiqej dhe kaloi te skuadra e West Ham United, ku trajner ishte Manuel Pellegrini, me të cilin kishte punuar te Manchester City.
Ai kaloi një gjysmësezoni te anglezët dhe pastaj iu përgjigj thirrjes së ish-shokut të skuadrës, Vincent Kompany, për të luajtur në Belgjikë te Anderlechti, por kjo nuk shkoi siç ishte planifikuar dhe sezoni i tij u ndërpre për shkak të pandemisë së Covid-19.
“Kishte një anë emocionale, por edhe idenë për të qenë lojtar dhe gjithashtu pak në staf. Doja të stërvitem, i thashë vetes se do të mësoja me të. Nuk shkoi ashtu siç ishte planifikuar. Pastaj kampionati u ndal për shkak të Covidi-it. Më pas, nuk doja domosdoshmërisht të luaja. Dhe, nuk mund ta shihja veten të kthehesha në Francë nëse nuk do të ishte për OM [Olympique de Marseille]”- u shpreh Nasri.
Ndërsa tashmë duket e gjithë karriera e tij do të fokusohet te analiza e ndeshjeve në televizion./K.T/Gijotina.com
