Ish-zëvendëskryeministri i Serbisë, Zharko Koraq, ka folur për qasjen që e ka Beogradi zyrtar e sidomos presidenti i tanishëm, Aleksandar Vuçiç, karshi Kosovës. Ai është shprehur se Vuçiç ka në plan të ndajë Kosovën dhe këtë e ka shprehur nëpërmjet asosacionit të komunave serbe.
“Përnjëmend unë se kam pa këtë rast, por është e sigurt që ai plani i vjetër që ekziston nga shkrimtari Dobrica Çosiq e edhe më parë për ndarjen e Kosovës është në kokat e disa njerëzve. S’ kam dëgjuar Aleksandar Vuçiçin publikisht të flet për këtë, por jam i sigurt që ai këtë e ka në kokë. Tema për të cilën ai ka folur është vetëm për Asociacionin e Komunave Serbe” – tha Koraq për mediat kosovare
Në një intervistë për gazetën italiane “La Repubblica” Kurti, e sqaroi në këtë mënyrë lidhjen e fortë ruso-serbe e enkas atë mes Vuçiç dhe presidenti rus Vladimir Putin.
“Në 25 nëntorin e kaluar Presidenti Vuçiç ishte në Sochi, ishte takimi i nëntëmbëdhjetë me Putinin në dhjetë vite, mesatarisht takohen nga dy herë në vit. Nuk është normale për drejtues shtetesh. Në ata rast Vuçiçi pati thënë se: folëm për standardet e dyfishta dhe për hipokrizitë në marrëdhëniet ndërkombëtare. Putin është i vetëdijshëm. Unë ia tregova në hartë veriun e Kosovës”, shtoi kryeministri Kurti.
Nga ana e tij, Koraq, shton se pa marrëveshje gjithë përfshirëse në raportet Prishtinë-Beograd, krizat do përsëriten. E konsideron si të rrezikshme moszbatimin e ujdive të arritura ku Beogradi s’mund të jetë i befasuar për vendimin e Prishtinës për zbatimin e tyre. Koraq, portretizon Vuçiçin në krejt këtë situatë.
“Në Evropë absolutisht ai nuk mundet të krahasohet me askënd. Vuçiç është pandërprerë në media dhe merret me propagandë politike. Ai paraqitet si i vetmi që do ta mbroj popullin serb. Kosova, gjithnjë në 30 vjetët e fundit ka shërbyer për ngritje politike. Slobodan Millosheviq e nisi dhe e krijoi yllin e tij politik të tij me atë frazën e thënë në Fushë Kosovë: ‘Askush s’guxon t’ju rrahë’”, përfundoi ish-njeriu i dytë i qeverisë serbe në kohën e kryeministrit Zoran Gjingjiq.
Discussion about this post