Një ngjarje tragjike ka ndodhur në Prevallë të Kosovës, ku një i ri është gjetur i pajetë. Mediat kosovare raportojnë se një 24-vjeçar ka humbur jetën, pasi ka rënë në një humnerë.
I riu me inicialet A.GJ. nga Kaçaniku u shpall në kërkim pas denoncimit të familjarëve se kishte humbur prej disa ditësh dhe nuk kishin kontaktuar me të.
“Telefonatën e parë e morëm në ora 14:35, menjëherë kemi dalë në vendin e ngjarjes. Rreth orës 18:45 kemi marrë informacionin nga mjeku kujdestar që ka qenë në vendin e ngjarjes se viktima ishte pa shenja jete”, njofton policia.
Policia e Prizrenit bën me dije ende nuk dihen shkaqet që çuan në ngjarjen fatale, ndërsa hetimet janë duke vijuar për zbardhjen e plotë të aksidentit.
Discussion about this post