Një çift shqiptar, përkatësisht 66 dhe 55 vjeç, është dënuar për shfrytëzim prostitucioni në Itali. Mediat italiane kanë bërë me dije se gruaja do duhet që të vuajë 5 vite burg dhe të paguajë një gjobë prej 1000 eurosh, ndërsa burri është dënuar me 12 vite heqje lirie, e me gjobë prej 4,000 euro.
Gruaja u kap në një fushë në dalje të bashkisë së Aulla. Disa orë më vonë ata mundën të arrestonin edhe burrin. Siç shkruajnë mediat, me shumë mundësi ata do të përpiqeshin të arratiseshin e të fshiheshin, por përpjekja u dështoi. Historia e tyre me drejtësinë nis në vitin 2009.
Në dhjetor asokohe, një vajzë e re shqiptare denoncoi çiftin. Ajo kishte shkuar në Itali pasi ata i kishin premtuar një jetë më të mirë, me shumë mundësi të punonte si kujdestare për të mbajtur bashkëshortin dhe 3 vajzat e vogla që jetonin në Shqipëri. Por sapo kishte arritur atje, ëndrrat iu shuan, pasi u detyrua që të prostituonte në provincën e La Spezia-s.
Faktet datojnë që nga viti 2009: një e re shqiptar, në fund të dhjetorit raportoi ngacmimet e dy bashkatdhetarëve. Kjo pasi disa muaj më parë vajza kishte ardhur në Itali pa leje qëndrimi, e tërhequr nga çifti me premtimin për një jetë më të mirë, ndoshta duke punuar si kujdestare, në mënyrë që të mblidhte para për të mbajtur burrin dhe tre vajzat e vogla. Por sapo mbërriti në Itali, u detyrua që të prostituonte.
Pas raportit të gruas së re, policia filloi hetimet, të cilat çuan në zbulimin e detajeve tronditëse për kushtet e jetesës në të cilat dy bashkëshortët e detyruan vajzën të jetonte. E reja kishte jetuar prej kohësh nën terror, aq sa nuk i kishte rrëfyer asgjë edhe bashkëshortit, të cilin e kishte në Shqipëri.
