Italia dhe Belgjika do të provojnë të gjitha shanset ditën e sotme në përballjen për vendin e tretë të Ligës së Kombeve, me Giacomo Raspadori që pritet të startojë si titullar me azurët.
Takimi do të startojë në orën 15:00, dhe skuadra e Mançinit do të bëjë gjithçka për të rritur shanset e kandidatit të saj Jorginho për garën e Topit të Artë.
Acerbi dhe Bastoni pritet të jenë zemra e mbrojtjes azure, me formacionin e mundshëm 4-3-3 që pritet të zbatohet këtë ndeshje.
Lorenzo Pellegrini, Bryan Cristante dhe Locatelli mund të startojnë në mesfushë, dhe Raspadori me Chiesan që do të udhëheqin sulmin.
Nga ana tjetër belgët vijnë me mungesa të mëdha, ku Romelu Lukaku dhe Eden Hazard nuk do të jenë në fushë, ndërsa Kevin de Bruyne pritet ta nisë këtë takim nga stoli.
Formacionet e mundshme:
Italia (4-3-3): Donnarumma; Di Lorenzo, Acerbi, Bastoni, Emerson; Pellegrini, Cristante, Locatelli; Berardi, Raspadori, Chiesa
Belgjika (3-4-2-1): Courtois; Alderweireld, Boyata, Vertonghen; Saelemaekers, Witsel, Vanaken, Castagne; Trossard, Carrasco; Batshuayi
