Në 24 orët e fundit, 3,838 raste të reja me koronavirus janë regjistruar në Itali, nga 263,571 testime të kryera (një ditë më parë kishte 4,578 me 355,933 testime). Po kështu raportohet për 26 vdekje në 24 orët e fundit (krahasuar me 51 të shtunën).
Që nga shpërthimi i pandemisë, shkurtin e vitit të kaluar, Italia ka regjistruar 130,310 të vdekur të lidhura me Covid-19, duke u renditur si vendi i dytë në Evropë pas Britanisë për nga vdekjet dhe i nënti në shkallë botërore. Deri më sot, Italia ka njoftuar për 4.63 milionë raste infektimesh.
Kurse të shtunën, Italia njoftoi për 51 raste vdekjesh, një rënie kjo nga 66 vdekje të raportuara një ditë më parë. Ndërsa rastet e infektimeve pësuan një rritje të vogël nga 4,552 raste në 4,578 infektime.
