Italia luan ndeshjen vendimtare ndaj Zvicrës për kualifikueset e kampionatit Botëror, Katar 2022. Kampionët në fuqi të Europës kanë një duel shumë të vështirë teksa trajneri Mancini i kërkon lojtarëve të japin maksimumin në këtë përballje.
“Jemi në një situatë pozitive , e dimë se çfarë jemi si skuadër dhe duhet të qëndrojmë të qetë . Nesër do të jetë një ndeshje e vështirë. Belotti ka një shans për të luajtur që nga fillimi , por çfarëdo vendimi që marrim, jam i sigurt që do të luajmë mire..
Na vjen keq për Immobile dhe Chiellini, por është problem për të gjithë kombëtaret e njëjta gjë, dëmtimet mund të jenë pak më shumë në këtë fazë. Djemtë janë të qetë, por të koncentruar. Ata e dinë që për të fituar duhet të jenë gjithmonë 100% pa menduar për të gjitha gjërat e tjera rreth tyre. Ata janë mirë. Barella është mirë, ai u stërvit dje dhe mendoj se do të jetë nesër në fushë. Skuadra nuk ka ndryshuar shumë që nga Kampionatin Evropian.
Olimpico me siguri do të na japë një dorë të mirë, të luash në Olimpico është gjithmonë mirë. Situata është gjithmonë shumë e mirë, ne luajtëm tre ndeshje evropiane këtu dhe publiku na ka mbështetur gjithmonë. Nesër do të jetë e njëjta gjë do të jetë një garë e mirë. Publiku do të na japë një shtysë të madhe, kam shumë besim te djemtë, kjo më bën të ndihem rehat”, tha Mancini.
Discussion about this post