Në një intervistë për mediat, Agron Gjekmarkaj ka folur mbi detyrën më të re që i është besuar nga Partia Demokratike, atë të nënkryetarit të Kuvendit.
Gjekmarkaj u shpreh se 2 ditë para se ky propozim të votohej në Këshillin Kombëtar është ftuar nga kryedemokrati Basha dhe është vënë në dijeni.
“Basha ka një stil tjetër, nuk e vë përballë faktit të kryer por edhe unë nuk e pranoj faktin e kryer. Nuk e çoj kurrë veten në këtë situatë. Nëse ka diçka që duhet ta pranoj e pranoj dhe e refuzoj po nga bindja ime. Basha më ftoi 2 ditë para Këshillit Kombëtar dhe më pas u votua. Nuk ka ndjerë asnjë xhelozi. Kam marrë urime, por secili prej kolegëve e di që ky është një moment i vështirë. Komunikimet me të përjashtuarit i ka pasur para se të ndodhte 9 janari” – u shpreh Gjekmarkaj.
Më tej ai u shpreh besimplotë se PD do të ringrihet dhe do t’i prijë demokratët drejt fitores, edhe pse sipas tij dikush mund të qeshë.
“PD do të ringrihet së shpejti do të jetë luftarake dhe kam besim se PD do të udhëheqë demokratët drejt fitore. Sot dikush mund të qeshë por kjo është dialektika e kohës. Ndërsa në Parlament zhvillohet beteja politike” – u shpreh ai.
Discussion about this post