Policia italiane arrestoi një 22-vjeçar shqiptar pasi në banesën e tij iu gjetën rreth 30 mijë euro cash dhe doza narkotikësh.
Mediat italiane raportojnë se ndaj të riut kishte një urdhër arresti pasi ishte me dokumentacion jo të rregullt në territorin italian.
Policia dyshoi se paratë janë përfituar nga veprimtari kriminale.
Policia në kontrollin në banesën e tij në zonën e Triestes, ka gjetur rreh 60 gramë kokainë dhe ekstazi, kartëmonedha njëqind dollarësh e shumë të tjera.
Në banesë u kontrolluan, po ashtu edhe bodrumi i godinës dhe makina, kontrollet u kryen me ndihmën e ekipit të qenve të policisë financiare.
Droga dhe paratë ishin gjetur në të gjithë banesën, në kuti, paketa cigaresh, xhaketa, kanoçe, çanta sportive dhe doreza boksi. Në kuadër të kontrollit u sekuestruan edhe tre celularë.
Mësohet se 22-vjeçari është lënë në burg në Coroneo.
Discussion about this post