Shefja e ish-kabinetit në Kryeministri Alda Klosi do të jetë nën hetim nga policia. Kjo pasi në banesën e saj pastruesja dhe i biri arritën të grabisnin një sasi të konsiderueshme parash dhe bizhuterish prej floriri. Ngjarja në fjalë ka ndodhur më 15 dhjetor, ku Rozeta dhe Havier Dobi morën 120 mijë euro dhe bizhuteri nga banesa e Klosit. Mësohet se atë ditë, zyrtarja e lartë ndodhej në Shtetet e Bashkuara të Amerikës.
Ndërkohë sot Policia e Shtetit ka gjetur në banesën e nënës dhe të birit, mbi 400 mijë euro, 8500 dollarë dhe aksesorë floriri të cilat ishin fshehur në tubin e aspirimit. Këto para dhe sende dyshohet se rridhnin nga aktiviteti i tyre kriminal i grabitjes.
Discussion about this post