Izraeli ka lëshuar në hapësirë mbrëmjen e së martës satelitin spiun “Ofek 19”.
Sipas “The Times of Israel”, sateliti që do të përdoret për zbulim ushtarak, u lëshua në orën 22:30 nga baza ajrore Palmachim. Të mërkurën në mëngjes, Ministria e Mbrojtjes konfirmoi se pajisja hyri me sukses në orbitë, filloi transmetimin e të dhënave dhe kaloi një seri testesh fillestare.
Ministri i Mbrojtjes, Israel Katz, tha se ky lëshim përfaqëson jo vetëm një arritje teknologjike, por edhe një paralajmërim për kundërshtarët e Izraelit.
“Lëshimi i satelitit ‘Ofek-19’ është një arritje me standarde më të larta globale… dhe një mesazh për të gjithë armiqtë tanë, kudo që ndodhen – ju vëzhgojmë në çdo moment dhe në çdo rrethanë,” shkroi ai në X.
תיעוד מדהים של שיגור לוויין אופק 19 מכיוון פלמחים, לפני כמה דקות.
ציוץ מאושר צנזורה. pic.twitter.com/3ijf5yxvvh
— Josh Breiner (@JoshBreiner) September 2, 2025
Ministria e Mbrojtjes tha se një raketë “Shavit” e dërgoi satelitin në hapësirë, ku ai hyri në orbitën e planifikuar.
“Ofek-19” është një satelit vëzhgimi me radar sintetik me kapacitete të avancuara, i projektuar për të ofruar imazhe me rezolucion të lartë për qëllime zbulimi dhe mbikëqyrjeje.
Sistemi i mbrojtjes ka dhënë detaje të mëtejshme për satelitin spiun, duke theksuar se ai realizon fotografi nga një lartësi prej 500 kilometrash dhe rrit kontrollin e Izraelit nga hapësira mbi Lindjen e Mesme.
Sipas zyrtarëve të lartë të sigurisë, “kjo është veçanërisht e rëndësishme në këtë periudhë. Sateliti ka aftësi të reja që më parë nuk i kishim”.
Ky lëshim është pjesë e një programi të vazhdueshëm të udhëhequr nga Drejtoria e Kërkimit dhe Zhvillimit të Ministrisë së Mbrojtjes, në bashkëpunim me IDF, përfshirë Njësinë 9900 të Drejtorisë së Inteligjencës dhe Forcën Ajrore Izraelite.
Lëshimi i satelitit shkaktoi panik për pak momente në Tel Aviv dhe në Izraelin qendror, ku banorët e ngatërruan satelitin me një raketë interceptuese.
Gjatë dy viteve të fundit, në kontekstin e luftës në Gaza, grupe terroriste të mbështetura nga Irani kanë lëshuar qindra raketa dhe raketa balistike drejt Izraelit, shumica e të cilave janë kapur nga sistemet mbrojtëse ajrore.
Discussion about this post