Milioneri britanik, Dean Kronsbein i cili njihet për prodhimin e maskave antiCovid humbi jetën gjatë një aksidenti me jaht në plazhet e ishullit të Sardenjës. Mediat e huaja hedhin dyshime se në momentin e incidentit, ai ka qenë duke garuar me jahtin e Silvio Berlusconit.
Milioneri 61-vjeçar u hodh në ujë pasi jahti i tij “Magnum Amore” u përplas në një shkëmb ndërsa kapitetni ndërmori veprime evazive për të shmangur një anije tjetër.
Edhe pse ai u tërhoq ende i vetëdijshëm nga deti, Kronsbein, pësoi një atak fatal në zemër në bordin e një jahti tjetër që e shpëtoi atë. MailOnline ka arritur të zbulojë se kapiteni i anijes Mario Lallone dhe Luigi Cortese, kapiteni i një varke të quajtur “Sëeet Dragon”, në pronësi të ish-kryeministrit italian Silvio Berlusconi, dyshohen si përgjegjës për ngjarjen. Të dy kapitenët përballen me akuza të mundshme për vrasje nga pakujdesia dhe plagosje, dhe kjo vjen ndërsa hetuesit hetojnë mundësinë që jahtet po garonin në një zonë uji jashtë kufijve të tyre.
Hetuesit mendojnë se jahtet po “garonin” me njëri-tjetrin pasi dëshmitarët kanë treguar se dy varkat ishin në një “kurs paralel” në momentin e incidentit. Ka gjithashtu raporte se të dy jahtet ishin në një pjesë të ujit pranë një ishulli të vogël të quajtur “Il Nibani” që është teknikisht jashtë kufijve për anije të mëdha.
Në bordin e “Amore” ishin bashkëshortja Kronsbein, Sabine dhe vajza Sophia, 27 vjeçe, të cilat u plagosën rëndë dhe u dërguan në spital për trajtim ku janë ende duke u rikuperuar.
Dy çifte të tjera që ishin gjithashtu në bord, një britanik dhe tjetri italian u plagosën lehtë dhe kanë qëndruar në Sardenjë për t’u marrë në pyetje nga autoritetet dhe avokati i Kronsbein, Egidio Caredda.
Discussion about this post