Nga selia blu, Gazment Bardhi iu përgjigj akuzave të deputetit Flamur Noka kur tha se ai dhe kreu demokrat, Lulzim Basha janë pengje të Edi Ramës.
“Nuk kam ndërmend ta kthej këtë çështjen në çështje epitetesh. Peng është ai që ka diçka për të fshehur, për të dhënë apo për të marrë. Jam i hapur ndaj cilit do që kur bën akuza të tilla të tregojë provat. Sepse z. Berisha kur ka ngritur gjyq ndaj DASH i kërkon prova, ndërkohë ka dy muaj që akuzon se jemi pengje, ne që jemi në betejë të përditshme me Edi Ramën. Po a ka njeri më të interesuar se Basha për të qenë kryeministër e për të fituar betejën me Ramën, nuk ka. Masakra e 25 prillit ka krijuar moment të vështirë për çdo demokrat, po s’mund të mbivendosim hallet personale”, deklaroi Bardhi.
Bardhi iu përgjigj interesit të gazetarëve lidhur me emërimin e tij në postin e sekretari të Përgjithshëm, ndërsa tha se është zgjedhur në këtë post edhe me firmë të Sali Berishës.
“Dua këtu të jap edhe një sqarim që për shkak të tollovisë që duhet të krijojmë për një çështje që është mes SHBA e Berishës, dhe jo e demokratëve, s’mund ta harrojmë këtë, ky është motivi dhe me këtë s’kanë të bëjnë demokratët. Kam shpjeguar dje procedurën si mblidhet Kuvendi. Unë jam zgjedhur sekretar i Përgjithshëm në PD edhe me votë të Berishës. Jam zgjedhur në 2019 dhe mandati im skadon në 2023 ka pasur një riformatim të partisë në gusht, është zgjedhur Këshilli Kombëtar dhe struktura drejtuese në mbledhjen e Këshillit Kombëtar në 30 gusht”, tha ai.
Më herët, ai tha se ish-kryeministri Berisha po luan blofin dhe se nuk kanë arritur të siguronin as ¼ e firmave, por më pak.
Discussion about this post