Laçi ka siguruar fitoren e radhës në kampionat duke mundur Teutën 2-0. Një sukses shumë i rëndësishëm për kurbinasit që kanë gjetur vazhdimësinë e rezultateve pozitive. Trajneri Mirel Josa analizon këtë fitore duke theksuar.
“Është shpejt, nuk mund ta them çfarë kam ndryshuar. Më shërbeu ndeshja e Kupës për të njohur edhe lojtarët e tjerë. Të them nuk jam i kënaqur do isha hipokrit. Nuk erdha të ndërroja përgatitjen fizike, por problemet dua t’i hedh mënjanë.
Detyra e Guindo është të shënojë, por nuk është vetëm ai në skuadër. Janë edhe 20 lojtarë të tjerë që më janë përgjigjur, dua të rris harmoninë sepse Laçi ka lojtarë të mirë. Më intereson që mesfushorët të dalin në zonë të kundërshtarit, Mazrekaj di të shërbejë shumë mirë. E kam pasur Mazrekajn edhe në Kosovë. Unë kam objektivat e mia personale të cilat ia bashkangjisë objektivave të skuadrës. Një ndeshje edhe mund të mos fitohet, por për t’u përmirësuar sipas mënyrës time, objektivi mbetet ndeshja e radhës”, tha Josa.
Discussion about this post