Para ndeshjes kundër Juventus këtë të dielë, trajneri i Romës është shprehur ”E vetmja gjë që mund të them është se për shumë, shumë vite, kam punuar me një nga figurat më të rëndësishme në historinë e Newcastle, Sir Bobby Robson, dhe kështu për shkak të kësaj kam pasur gjithmonë një lidhje emocionale me atë qytet dhe tifozët e tyre. Por nuk është asgjë më shumë se kaq “
Murinjo ka punuar me Robson gjatë kohës kur ky i fundit drejtonte Sportin Lisbonën, Porton dhe Barcelonën, duke punuar fillimisht si përkthyes, dhe më pas për të marrë role të mëdha siç është ai i trajnerit.
Robson vazhdoi menaxhimin e Newcastle gjatë viteve 1999 dhe 2004 dhe konsiderohet një figurë ikonike në St James ‘Park, ku statuja e tij qëndron jashtë stadiumit.
Ky koment i Murinjos po merret si një sinjal i dërguar nga portugezi në drejtim të pronarëve të rinj që po premtojnë të hedhin miliona në merkaton e ardhshme të Janarit, ndoshta me shpresë që të bjerë në radarët e këtyre të fundit.
