Kryetari i Partisë Demokratike Sali Berisha ka folur nga foltorja e Kuvendit mbi krizën e vendit, pensionistët, bizneset e vogla duke akuzuar qeverinë se është mbuluar nga hipokrizia e Hajnia.
“Indro Montanelli shkruante dikur se socialistët i duan shumë të varfrit, i duan aq shumë saqë kur vijnë në pushtet, i shtojnë në progresion gjeometrik. Por çfarë ndodh, cila është kjo veti që socialistët i shumëzojnë e i shumojnë në mënyrë të rrufeshme të varfrit. Dy janë arsyet: hipokrizia dhe hajnia. Asnjë prej jush nuk mund të takojë sot një pensionist e një qytetar të thjeshtë. Ju jeni të ngujuar këtu dhe flisni si në filma sepse nuk ka shqiptar që ju nuk e neveritni. Flitet për krizë dhe ka një krizë nuk mund të mohohet, por në Shqipëri ka një dopio krizë sepse në Shqipëri si në asnjë vend tjetër, spekulon qeveria që vjen në mënyrë të papërmbajtur qytetarët. Nuk ka qytetarë të vjedhur si shqiptarët. Si në asnjë vend tjetër, nafta ulet në bursë dhe rritet nga bordet. Shkoni tek rruga Kukës-Qafë Plloçë”, tha Berisha në Kuvend.
Ndër të tjera kreu i opozitës ka kërkuar një përballje me socialistët para qytetarëve, me të cilët sipas tij qeveria ka abuzuar dhe është tallur.
Berisha është shprehur se qeveria ka goditur biznesin e vogël e shtresën e mesme.
“Gjigantët e ndotjes, gjeneratorët vijnë nga Bangladeshi pa tender, i mashtrojnë shqiptarët se punojnë me gaz, asnjë prej tyre s’punon me gaz, punojnë me mazut dhe prodhojnë sfuqur e helmojnë Vlorën. Dikush këtu mbush xhepat me këtë vjedhje skandaloze. Energjia e tyre kushton 392 euro megavati. 760 milionë euro për dy vjet, tre hidrocentrale mund të bëheshin me këto para. E di si ia bëni ju? Po nuk ka cinizëm se shqiptarët do t’ju përgjigjen ju. Ju godisni me qëllim shtresën e mesme, biznesmenët e vegjël. E dini se ç’po bëni, Bullgaria që ky e sulmoi në mënyrën më imorale ka 1 biznesmen për 9 banorë. Shqipëria kishte 1 biznesmen për 14 banorë, sot jo. I vret masivisht sepse për ju s’ekziston konkurrenca. Ju jeni hajdutë të planetit të hajdutërisë ndoshta jashtëtokësore. Çfarë është ai instalacion, na thuaj pak ti zonja e kulturës. 4 milion euro për sytë dhe xhepat e Ramës. Talleni me fermerët, njëherë thoni 30 mijë dhe në fund të fundit Shqipëria jep 1/10 e asaj që jep Kosova. Shkoni të takoni qytetarët, hajdeni me mua të dalim ballë përballë, të dalim para socialistëve e t’ua themi këtë gjë”, tha Berisha.
Discussion about this post