Ish-futbollisti Redi Jupi ka analizuar ekipet e kryeqytetit në garën për titullin kampion. Ai ka theksuar se Dinamo është nxituar kur deklaroi ambiciet maksimale por sipas tij e kanë arritur objektivin e parë sezonal.
“Dinamo ka bërë një hap shumë të madh përpara me rikthimin në Superiore, me rikthim interesant. Ka bërë skuadër shumë të mirë, cilësore, është me lojtarë ndër më të mirët në kampionat. Por nga kjo për të fituar titullin e pretenduar për objektiva madhorë, është pak e parakohshme. Çdo pretendim deligjitimohet, jo se i hiqet e drejta për të fituar kampionatin, por nëse lirohet nga ky presion i shtuar pa shkak do bëjnë një kampionat të mirë, solid e interesant për të kthyer Dinamon në nivelet që meriton.
Dinamo është futur te ekipet e rëndësishme te kampionatit, është dinjitoze kur përballet me skuadra më të forta. Mundi Tiranën siç mund të mposhtë këdo, ndaj mendoj se ka arritur objektivin e parë madhor që kishte. Pastaj duke parë rrugës dalëngadalë.
Tirana? Në mënyrë surprizë dhe të befasishme po profilizohet si skuadra më e forte e kampionatit dhe ka marr tiparet e një skuadre të ngjeshur, të fortë, mbron mirë dhe është e vështirë të pësojë. Kurse përpara shfrytëzon momentet për të goditur me Ngo, Xhixhën apo Seferin. Janë të ekuilibruar, çuditërisht, se në fillim nuk ishte kështu. Në fillim vetëm mbrohej, e kishte shumë të vështirë të dilte para. Ndërsa tani i bën të dy fazat shumë mirë, më mirë se të tjerët. Del mirë para, me shumë efikasitet, është shumë racionale dhe të gjitha këto e bëjnë bashkë me Kukësin deri diku si pretendente të parë.
Partizani? Futbolli është i çuditshëm se Partizani deri në javën e tretë apo të katërt ishte para Tiranës e të tjerëve me lojën. Por barazimet dhe dy humbjet e futën në krizë, mendimesh, marrëdhniesh mbase, me publikun më shumë se me njëri-tjetrin nuk i kanë të këqija. Kjo çon në dyshim si po menaxhohet situata. Unë mendoj se Partizani me një apo dy fitore kthehet shpejt një skuadër shumë e rëndësishme, afër skuadrës së Tiranës e Kukësit”, tha Red Jupi.
Discussion about this post