Skuadra e Juventusit ka bërë një nisje shumë të gabuar të sezonit teksa zv.presidenti i bardhezinjve Pavel Nedved ka shpalosur objektivat e italiamnëve.
“Nuk ka dyshime që do t’i kapim 1/8-at e këtij sezoni në Champions, ndonëse nuk është ky problemi ynë. Vështirësitë tona janë të dukshme dhe tashmë është e kotë që t’i fshehim. Në kampionat jemi në një situatë shumë delikate, ndaj nga ky moment duhet të nisim të punojmë të gjithë dhe të dalim sa më shpejt. Fakti është se në luftë për titullin kampion janë shumë ekipe, por aty mungojmë ne.
Dhe fakti që jemi disi larg vendeve të para dhe me shumë konkurrencë për kreun, është e kuptueshme se edhe kapja e zonës Champions do të jetë një betejë e fortë më vete. Prandaj, duke shpresuar se në këto 5-6 ditë të fundit kemi bërë shumë gabime, duke hedhur në erë një muaj pune të rëndësishëm, tani duhet të nisim që nga dueli me Fiorentinën që të rikthehemi një skuadër, që të rikthehemi Juventusi, pa menduar për titullin kampion.
Objektivi ynë në kampionat do të jetë ai që në verën e ardhshme, ne të kemi prerë biletën për të luajtur kupat e Europës, Champions-in, ndaj nuk mund dhe nuk duhet që mos ta arrijmë atë”, u shpreh 49-vjeçari.
Discussion about this post