Juventusi kërkon të përfitojë nga situata e yllit të Manchester United, Paul Pogba i cili nuk e ka gjetur ende akordin me skuadrën e Manchester United për rinovimin e kontratës. Trajneri Solskjaer nuk e konsideron zgjedhje të parë për repartin e mesit të fushës duke e lënë në stol ndeshjet e fundit. Sipas “Calciomercatos” italianët janë të gatshëm të bëjnë një sforco të madhe financiare për të rikthyer në “Allianz Stadium” futbollistin e talentuar.
Megjithatë nuk do të jetë aspak e lehtë pasi në garë për Pogba janë edhe skuadra si Real Madrid dhe PSG, ekipe që janë të gatshme të ofrojnë shuma të majme për futbollistin e Manchester United. Duhet theksuar se rol të rëndësishëm në këtë histori do të luajë vullneti i kampionit të botës me Francën.
