Javën e fundit është përfolur për një krisje mes trajnerit të Milan-it, Sergio Conceicao dhe këshilltarit të pronarëve të kuqezinjve, Zlatan Ibrahimovic.
Në media u aludua se Ibrahimovic dhe drejtuesit kuqezi ishin të pakënaqur me trajnerin portugez me mënyrën si veproi në fundin e takimit në Champions League ndaj Feyenord, ku Milan u mund 1-0.
Conceicao zëvendësoi Santiago Gimenez dhe Rafael Leao me Francesco Camarda dhe Tammy Abraham në minutat e fundit të lojës dhe kjo ishte një arsye sipas mediave italiane për krisjen e marrdhënies mes trajnerit portugez dhe Ibrahimovic.
Por, Zlatan Ibrahimovic ka vendosur të flasë dhe të hedhë poshtë këto aludime, duke i quajtur të pavertëta dhe duke thënë me bindje që ai dhe drejtuesit kuqezi kanë besim të plotë te Conceicao.
“Nuk kam debatuar kurrë me Conceicao-n. Kam lexuar shumë të pavërteta, janë gënjeshtra. Nuk është e vërtetë që unë kam pasur përplasje me të. Kemi besim të plotë te trajneri. Do ishte mire në fakt të debatonim me të, sepse më mungon adrenalina”, tha Ibrahimovic.
Discussion about this post