Ish-kryeministri Sali Berisha akuzoi kryeministrin Rama për shpërdorim të tmerrshëm të fondve publike. I ftuar në emisionin “Open” në News 24, Berisha theksoi se Rama ka udhëtuar 127 herë me avion taksi, ku vetëm një fluturim kushton minimalisht 150 mijë euro për distanca të shkurtra dhe 250 mijë euro për fluturime oqeanike.
Berisha tha se Rama ëshët hajduti më i madh që ka njohur historia e Shqipërisë, ku vetëm shpenzimet për avion taksi tejkalojnë dhe shpenzimet e kryera nga Enver hoxha dhe Byroja Politike gjatë gjithë kohë që kanë qenë në pushtet.
“Protesta e 12 nëntorit shënon fillimin e përballjes me qeverinë me Edi Ramën njeriun i cili me vjedhjet e tij të tmerrshme, unë ju them ju se kurrë nuk ka patur në histori një hajdut si ky. E tejkalon 100 herë Nanon. Vetëm raporti i sotëm me 127 udhëtime me avion taksi është një shpenzim më i madh se shpenzimet e Enver Hoxhës dhe Byros Politike. Të udhëtosh 127 herë me avion taksi, e kuptoni çfarë do të thotë. Herë e quan Ismail, herë e quan Edvin në një kohë kur Kancelari i Austrisë udhëton me avion linje.
Unë kam udhëtuar kurrë vetëm, me delegacionin tim. Kam udhëtuar me plotë avionin që e çonte biletën 2 mijë euro.
Ky udhëton vetëm, ose me Elisën se i duhet për komplimente. Si mund të udhëtoj kryeministri i vendit më të varfër në Evropë me avion taksi, ku vetëm një fluturim kushton 150 mijë euro, plus parkimi që kushton një djall e gjysëm. A ka qeveritar në botë, përveç sheikëve dhe sulltanëve, rroftë sebebin se ma dhuroi Erdogani avionin por shpenzimet i paguan shteti shqiptar. Ky është një njeri i cili meriton vetëm për këtë të mos hyjë më në zyrë”, tha Berisha.
Discussion about this post