Aktori i humorit, Albano Bogdo, u ka bërë një ftesë publike të gjitha vajzave që e ndjekin në rrjetet sociale.
Në videon e postuar në profilin e tij në “TikTok”, Albano shfaqet në breg të detit, por vëmendjen më të madhe e mori “oferta” e tij për vajzat.
“Kaloni pushimet me mua dhe më paguani 700 euro”.
Bogdo shkruan se ato mund ta shoqërojnë, por duhet të paguajnë para sipas tij për kënaqësinë e të ndenjurit me të.
“Kush t dojë( gocë, kuptohet), unë këtu jam gjithë fundjavën. Të gjitha të paguara, përveç 700€ që do paguajë për kënaqësinë e të ndenjurit me mua”, thuhet në shkrimin e plotë të Albanos.
Të shumta kanë qenë reagimet e ndjekësve, ku disa nuk e kanë mbajtur dot të qeshurën. Kishte edhe nga ata që kanë komentuar pamjen e aktorit të humorit.
Së fundmi, Albano ka bërë një ndryshim të madh në pamje, pasi ka prerë flokët e tij kaçurrela, duke u shfaqur tullac në publik.
Discussion about this post