Kaos në kufirin Shqipëri-Kosovë në doganën e Morinës. Ashpërsimi I masave anti-covid ka sjellë fluks qytetarësh të cilët kanë mbetur në pritje prej më shumë se dy orësh. Makinat kanë krijuar radhë kilometrikë ndërsa fluksi i qytetarëve dhe mjeteve vjen në rritje.
Qytetarët ankohen për vonesat e krijuara ndërsa mësohet se policia po punon me kapacitet të plotë. Kjo është një situatë e përsëritur prej ditësh tashmë, që kur Kosova vendosi ashpërsimin e masave në kufi me Shqipërinë pas bilancit tragjik të përhapjes së koronavirusit.
Asnjë qytetar nuk mund të kalojë kufirin pa treguar pasaportën e vaksinimit, ose një test që tregon se nuk është i infektuar me Covid-19.
