Prek disa ditësh vendi është për shkak të reduktimit të autobusëve. Pak ditë më parë Shoqata e Transportit Publike deklaroi se do të përgjysmojë numrin e automjeteve për shkak se nuk janë mbështetur nga qeveria dhe nuk përballojnë dot kostot. Pavarësisht se çdo ditë qytetarët po përballen me tmerrin e urbanëve që tejmbushen dhe vonojnë shumë, qeveria nuk ka marrë asnjë vendim që do të zgjidhte këtë problematikë. Lidhur me këtë situatë ka folur sot gjatë një interviste televizive kryetari i Shoqatës së Transportit urban dhe interurban, Dashnor Memaj, i cili deklaroi se kjo situatë është e akumuluar prej kohësh.
Ai u shpreh se kjo situatë e pakëndshme do të merrte një tjetër drejtim kur instancat e larta të shtetit ti kushtojnë rëndësinë e duhur sepse sipas tij në kushtet ku ata ndodhen është e pamundur që të nxjerrin në punë të gjithë flotën e tyre.
“Unë drejtova kërkesat tona për sektorin në ekonomi, ndërsa ministria tha se nuk jemi ne përgjegjës për atë punë. Kjo situatë është e akumuluar prej kohësh për faktor ekonomik dhe mungesë stafi. E kemi lajmëruar një gjë të tillë dhe se situata mund të agravohet edhe më shumë nëse shteti nuk i jep zgjidhje. Ne kemi hartuar disa pika interesi si një mundësi reale për të dalë nga kjo krizë. Si ulja e TVSH nga 20 në 6 % si dhe heqja e taksës së qarkullimit.
Për qytetarët nuk do ishte e mirë rritja e çmimit të biletës, por duhet të na plotësojnë kërkesat e tjera nëse pavarësisht se jemi një shoqëri e hapur tregu natyrisht duhet të merren parasysh kërkesat tona ekonomike. Qytetarët në momentin që nuk kemi një reagim për instancat shtetërore jemi në pamundësi për përdorim të plotë të flotës tonë. Në momentin që nuk kemi një suport financiar nuk kemi si të flasim për shërbim transporti më cilësor”, tha ai.
I pyetur se cilat do jenë hapat që do ndërmarrin nëse kërkesat e tyre nuk plotësohen, Memaj deklaroi se nuk do ta mendojë këtë që nuk do marin zgjidhje sepse atëherë situata do të përkeqësohet. Ndërkohë ditë e djeshme ministrja Belinda Balluku tha se hapi i parë që do të marrë qeveria është të reduktojë transportin informal, por punonjësit e këtij sektori nuk e shohin si të mjaftueshme këtë lëvizje.
