Një operacion antidrogë i koduar “Porositësit” ka çuar në shkatërrimin e një grupi kriminal.
Policia jep detaje se në kuadër të këtij operacioni janë vënë në pranga 4 porositësit e drogës të identifikuar me emra, Admir Dedja, 25 vjeç, Beart Ismailaj, 24 vjeç, Hismet Toro, 33 vjeç dhe Misim Koldashi, 55 vjeç (i shpallur në kërkim për veprën penale “Kultivimi i bimëve narkotike), të gjithë banues në Durrës.
Arrestimi i tyre u pas vëzhgimit të pandërprerë dhe informacioneve të siguruara nga specialistët e Seksionit të Narkotikëve dhe agjentët e Forcave Operacionale. Ndërsa këta të fundit zbuluan se në bashkëpunim me njëri-tjetrin, po tentonin të shisnin, kundrejt shumës 38.800 euro, rreth 21 kg lëndë narkotike cannabis sativa, e cila u gjet në garazhin e banesës së personit me emrin Misim Koldashi dhe u sekuestrua në cilësinë e provës materiale.
Gjithashtu, në vijim të kontrolleve, në pronën e Misim Koldashi, shërbimet e Policisë kanë konstatuar të kultivuara disa bimë narkotike cannabis sativa.
