Katër lojtarë ‘kyç’ pozitivë, edhe Chelsea preket nga Covid-19

Covid-19 është përhapur masivisht në Premier League ditët e fundit dhe është bërë shkak që shumë ndeshje të anulohen.

Ndër klubet e prekura është edhe Chelsea, ku kanë rezultuar pozitivë katër lojtarë dhe një i pestë nuk ndihet mirë.

Bëhet fjalë për Romelu Lukaku, Timo Werner dhe Callum Hudson-Odoi dhe Ben Chilwell, ndërsa Kai Havertz ka shfaqur gjithashtu probleme dhe nuk u grumbullua për sfidën e sotme ndaj Everton, në të cilën Chelsea barazoi 1-1.

Kujtojmë që Covid-19 u bë arsyeja sfida e ditës së sotme mes Tottenham dhe Leicester të anulohej, ndërsa në dyshim janë edhe ndeshjet e fundjavës, edhe pse Premier League ka thënë se ato që nuk janë shtyrë do të luhen.