Policia e Shkodrës ka vënë në pranga një 31- vjeçar pasi gjatë kontrollit në disa lokale në vendin e quajtur “Fusha e druve”, në lagjen “10 Korriku”, është kapur me armë zjarri me vete. Blutë japin detaje se bëhet fjalë konkretisht për të arrestuarin me iniciale L. T., i cili pa uniformat blu tentoi ta hedhë armën në ambientet e jashtme të lokalit. Gjatë kontrollit në banesën e tij u gjet dhe u sekuestrua një sasi lënde narkotike e dyshuar cannabis sativa.
Pritet që i riu të përballet me akuzën për veprat penale “Mbajtja pa leje e armëve, armëve shpërthyese dhe e municionit”, “Prodhimi dhe shitja e narkotikëve” dhe “Pastrimi i produktit të veprës penale”.
Po nga policia e Shkodrës, është bërë edhe arrestimi në flagrancë i G. M., 41 vjeç, banues në lagjen Parrucë, pasi gjatë kontrollit të ushtruar në automjetin e tij, shërbimet e Policisë i kanë gjetur një armë të ftohtë (dorezë metalike). / A.L Gijotina.com /
