Kapiteni i Juventusit dhe kombëtares italiane, Xhorxho Kelini ka rindezuar zërat për krijimin e Superligës së Europës, projekt që kërkohet nga shumë klube të mëdha për shkak të problemeve financiare.
“Kam disa vite që flas me presidentin Agnelli. E ardhmja e futbollit po shkon gjithnjë e më shumë drejt europianizimit. Një lojtar i nivelit të Juves dëshiron t’i luajë ato ndeshje, me gjithë respektin e duhur. Unë kisha shumë vite që flisja me presidentin për këtë mundësi. Sportistët e nivelit tonë, por edhe tifozët, duan të shohin gjithnjë e më shumë ndeshje europiane.
Kemi arritur në një pikë pa kthim. Institucionet, klubet dhe lojtarët duhet të takohen për të reformuar kalendarin dhe për të krijuar gara të reja, për t’i dhënë shtysë të re këtij sporti, që mbetet me i bukuri në botë, por për mua mund të përmirësohet. Në USA, që janë mjeshtra për këtë, kanë krijuar superliga në çdo sport”, tha Kelini.
Discussion about this post