Dhjetëra qytetarë janë mbledhur pasditen e sotme poshtë banesës së kreut të opozitës, Sali Berisha, në shenjë solidariteti pas vendimit të GJKKO për ta lënë Berishën në “arrest shtëpie”.
I pranishëm në tubim ka qënë edhe ish-deputeti i PD, Belind Këlliçi. Ai është shprehur se këto tubime nuk janë protesta të mirëfillta, por mbledhje në shenjë solidarizimi për kreun e opozitës që sipas tij është i burgosur politik sot.
“Nuk janë protesta të mirëfillta, por mbledhje në shenjë solidarizimi për kreun e opozitës që është i burgosur politik sot. Sot kreu i opozitës shqiptare ndodhet në arrest shtëpie pa prova dhe pa u pyetur një herë. Ka qytetarë që kanë ardhur nga jashtë Tiranës, një zonjë ka ardhur nga jashtë Shqipërisë. Ata kanë ardhur të gjithë vetë në mbështetje të kësaj kauze. Jemi i vetmi vend anëtar i NATO-s që kemi kreun e opozitës në arrest sot”, u shpreh ai mes të tjerash.
Discussion about this post