Kreu i FRPD-së Belind Këlliçi është paraqitur në komisariatin nr.1, ku ka depozituar padinë ndaj vjedhjes të sendeve të tija personale. Këlliçi deklaroi para mediave ditën e sotme se zyra e tij në selinë blu është vjedhur dhe bashkë me të i janë marrë dhe sendet personale, si dhe një USB. Ai akuzoi drejtëpërdrejtë kreun aktual të PD-së Lulzim Basha, ndaj të cilin tha se do të bëjë një kallëzim në polici.
“Fill pas mbledhjes së komisionit ku nuk kemi cënuar njeri. Kemi shkuar te zyra ime personale, ku zyra ka qenë me brava dhe zyra është vjedhur dhe përgjegjës bëj drejtpërdrejt Lulzim Bashën. Janë vjedhur USB me materiale personale dhe do i drejtohem komisariatit për kallëzim. Ka pasur persona, të rinj dhe janë ankuar se janë kërcënuar nga persona të armatosur brenda në seli. Që të mbrosh karrigen me dhunë me armë, kjo nuk është normale. Nëse mendojnë se trembemi e kanë gabim.”
Sali Berisha sëbashku me Belind Këlliçin akuzuan ditën e sotme se persona të armatosur kanë kërcënuar me armë mbështetësit e tyre brenda selisë blu. Ata janë paraqitur në selinë e Partisë Demokratike për të zhvilluar të ashtuquajturën Kuvend i Rithemelimit të PD-së.
Discussion about this post