Kandidati i Bashkë Fitojmë Belind Këlliçi ka bërë thirrje që qytetarët të dalin masivisht në zgjedhje.
Këlliçi iu tha qytetarëve se duhet të dalin e të votojnë. Ai tha se ndryshimi është në duart e gjithësecilit.
“Dilni të gjithë në votime, është shans i artë për të gjithë për të ndryshuar Tiranën, sidomos ata në zona rurale, që janë lënë në harresë. Jemi në kufijtë e 40 përqind të votuesve. Sot është 14 maji, finalja po luhet, tashmë ngelet vetëm për të fituar. Dilni votoni, ndryshimi është në duart tuaja. Votoni.
Është një shans i artë, një mundësi e veçantë që duhet ta kapi çdo i ri dhe e re në qytet. Është një shans për të gjithë të moshuarit, pensionistët për qytetarët, sidomos për ata që janë në zona rurale dhe që janë lënë të harruar prej vitesh e vitesh me radhë.
Dilni e merrni pjesë në këtë proces votimi sepse është e një rëndësie jetike për kryeqytetin.
Shifrat tregojnë se jemi në kufijtë e 40% të pjesëmarrjes do të duhet që të kalojmë këtë shifër, duke e rritur pjesëmarrjen. U bëj thirrje naquve dhe njëherë edhe cakëve të Tiranës dhe të gjithë atyre që jemi takuar, jemi parë në sy, kemi folur me njëri tjetrin dhe kemi thënë se kur do të afrojë 14 maji. Epo 14 maji është sot kemi hyrë në finale.
Finalja po luhet, tashmë mbetet vetëm për të fituar. Dilni merrni pjesë në votime le ta shndërrojmë këtë ditë në një ditë feste të jashtëzakonshme për Tiranën, për kryeqytetin tonë dhe të ardhmen e të gjithë të rinjve në Tiranë. Dilni e votoni, ndryshimi është në duart tuaja. Votoni”, tha Këlliçi.
Discussion about this post