Reperi i njohur amerikan, Kanye West i cili u infektua me Covid-19 vitin e kaluar, ka ofruar vaksina për ata që kishin shkuar në Stadiumin Mercedez-Benz në Atlanta të enjten, për të dëgjuar këngët e albumit të tij më të ri, të titulluar “Donda”.
Përmes një postimi në Twitter, ai ka bërë të ditur se “po ofrohen vaksina Pfizer për fansat që po ndjekin ngjarjen e Kanye Westit”.
Një vit më parë, reperi deklaroi se ishte kundër zhvillimit të vaksinës për të luftuar pandeminë globale, pasi besonte se përmes injeksionit, njerëzve “do t’u vendoseshin çipa që do t’i ndalonte njerëzit të kalonin portat e parajsës”.
“Shumë prej fëmijëve tanë po vaksinohen dhe po paralizohen…Ata duan të vendosin çipa në trupat tanë”, u shpreh Kanye.
