Pas përfundimit të festivalit ‘Kënga Magjike’ këngëtari Flori Mumajesi shprehu disa pakënaqësi për çmimet e ndara. Ai nuk ishte dakord me vlerësimin dhe pikët e jurisë si dhe shfaqi hapur edhe mendimin se grupi “Urban Band” të cilët fituan çmimin “New Artist” nuk e meritonin.
Djemtë e grupit “Urban Band” të ftuar në emisionin “ABC e Mëngjesit” janë shprehur se pavarësisht deklaratës nuk do të krijojnë armiqësi të kota, dhe se janë të gatshëm për një bashkëpunim me Flori Mumajesin.
“Juria ka qenë mëse e vërtetë për çmimet që ka dhënë. Te kjo pjesa e ka pas me ne apo jo, nuk e dinim. Ne sollëm në Festival një këngë që kishte ritëm. Me gjithë qejf do e bënim një bashkëpunim me Florin. Nuk kemi pse bëjmë ne armiqësi të kota. Ne jemi artistë të rinj, kemi karrierën përpara”, – thanë ata.
