Pesë persona u arrestuan ditën e shtunë dhe 2 të tjerë u proceduan në gjendje të lirë, pasi kishin kërcënuar kreun e FSHF- së Armand Duka.
Ndërkohë, në media janë publikuar pamjet nga momenti kur këta persona shkuan poshtë shtëpisë së Dukës me qëllim kërcënimin, mes tyre edhe kreu i klub “Iliria”, Nazmi Selmani.
Përveçse i shkuan Armando Dukës pranë banesës së tij, Selamani dhe familjarët e tij e kanë kërcënuar dhe me mesazhe.
Në mesazhin e bërë publik, Nazmi Selmani i shkruante Armando Dukës, të pyesë bashkëshorten dhe fëmijët, nëse ai i ka bërë ndonjëherë të qajnë.
“…..pyte nonen e kalamajve tuj pyti fmijt e tuj a i kam bo un me qajt…”, shkruante ai.
Sipas hetimeve, shkak i ngjarjes ka qenë kërkesa e Selmanit, që djali i tij të përfshihej në ekipin e Kombëtares së futbollit.
Gjykata e Durrësit ka marrë sot vendimin në lidhje me masën e sigurisë, për personat e përfshirë në ngjarje.
Gjykata vendosi masën “Arrest me burg për presidentin e klubit “Iliria” Nazmi Selmani dhe Petrit Selmanin.
Ndërsa për Brajan Selmanin, Redian Locin dhe Santiago Selmanin u caktua masa “detyrim paraqitje”.
Fillimisht, Nazmi Selmani së bashku me tre djemtë e tij, si edhe me shtetasit Petrit Selmani dhe Redian Loci, kanë kanosur me ‘sms’ kreun e FSHF-së. Pas kësaj, kanë shkuar në banesën e këtij të fundit në Durrës për ta kërcënuar nga pranë.
Discussion about this post