Një sherr mes një grupi të rinj është regjistruar këtë të martë para zyrës së Partisë Social-Demokrate të drejtuar nga Tom Doshi, në zonën e “Ali Demit” në Tiranë.
Blutë e kryeqytetit, përmes një komunikate për mediat, bëjnë me dije se fasada prej xhami e zyrës është konstatuar e thyer, teksa në vendin e ngjarjes janë gjetur edhe dy plumba të pa shpërthyer.
Mediat raportojnë se kanë qenë disa persona të cilët kanë sulmuar zyrën e PSD-së dhe më pas janë konfliktuar fizikisht.
Policia ka shpallur në kërkim Arjan Telhallari i cili ka hyrë në zyrën elektorale të PSD dhe më pas është përfshirë në sherr me personat që ndodheshin aty”.
Në njoftimin në sallën operative është thënë se janë dëgjuar të shtëna me armë zjarri por deri më tani policia ka gjetur vetëm dy fishekë të paplasur.
Gjithashtu dyshohet se djali i Arjan Telhallarit me herët gjatë ditës është konfliktuar me dy personat që kanë qenë në zyrën e PSD dhe me pas ka shkuar i ati dhe është zënë.
Njoftimi i Policisë së Tiranës
Rreth orës 14:00, në sallën operative të DVP Tiranë ka ardhur një telefonatë se në rrugën “Ali Demi” kishte një konflikt midis disa shtetasish, në ambientet e një zyre elektorale.
Gjatë këqyrjes së vendit të ngjarjes, është konstatuar i dëmtuar dyshohet me sende të forta xhami i zyrës së subjektit elektoral.
Po nga këqyrja e vendit të ngjarjes, janë konstatuar dy fishekë luftarak të paplasur.
Menjëherë në vendin e ngjarjes, kanë shkuar forca të shumta policie dhe grupi hetimor. Vijon puna për identifikimin dhe kapjen e shtetasve të përfshirë në konflikt, të cilët janë larguar nga vendi i ngjarjes me një automjet.
Në drejtimin e Prokurorisë vijon puna për zbardhjen e motivit të konfliktit dhe dokumentimin e rrethanave të rastit.
Discussion about this post