Kërkesa për shkarkimin e Presidentit, mblidhet Komisioni i Ligjeve
Në mungesë të pjesëmarrjes së Presidentit Meta, Manja tha se mbledhja do të vijojë me diskutimet lidhur me objektin e kërkesës.
Ndërsa tha se Presidenti vlerësoi si kohë të pamjaftueshme, shtoi se ka të gjithë kohën për të dhënë sqarimet e duhura përpara deputeteve.
“Nuk e di se çfarë agjende më të rëndësishme ka Meta sesa kërkesa e deputetëve që kërkojnë shkarkimin e presidentit dhe lidhur me kohën unë dua të bëj me dije se Presidenti i Republikës është vënë në dijeni menjëherë nga kryetari i Kuvendit.
Gjithsesi Komisioni i Ligjeve në zbatim të detyrimeve ia garantoi mundësinë që të shprehej, Meta ka vlerësuar si kohë të pamjaftueshme. Meta të shprehet në Komisionit në rast se Kuvendi do e ngre këtë Komision. Ka mundësinë dhe kohën e nevojshme për të dhënë sqarimet e duhura para deputetëve të Komisionit hetimor, nëse nesër Kuvendi do votojë për ngritjen e këtij Komisioni”, tha Manja.
Manja e konsideroi mospjesmarrjen e Presidentin si tentativë për të penguar qëllimisht punën e Komisionit të Ligjeve.
“Komisioni nuk gjykon as fajësinë dhe pafajësinë e kësaj kërkese. Në vlerësim të kësaj kërkese do t’i propozojë seancës ngritjen ose jo të Komisionit Hetimor dhe do të jetë Komisioni hetimor ai që do të vendosë. Komisioni i Ligjeve sot, seanca e thirrur nëse dhe Komisioni hetimor janë brenda afateve të Kushtetueshmërisë”, tha Manja.
Në fjalën e tij Adriatik Alimadhi tha se sipas Kushtetutës Kuvendi nuk mund të nxjerrë ligje gjatë periudhës 60 ditore dhe se në ligj thuhet 4 muaj para, pra Komisoni tha Alimadhi duhet të ketë 2 muaj kohë ndërsa shtroi pyetjen, a i del koha këtij Komisioni?”, u shpreh ai.
Ndërsa Manja ritheksoi se ky Parlament akoma nuk ka hyrë në 4 mujorin e fundit dhe në këtë mënyrë sipas tij kërkesa e 49 deputetëve që kërkojnë shkarkimin e Presidentit Meta nuk ka hyrë në fazën e katër muajve të fundit siç e kërkon ligji.
