Avokati Spartak Ngjela ka komentuar sot gjatë një interviste televizive situatën brenda Partisë Demokratike dhe lëvizjet e fundit të Sali Berishës. Ai thotë se kryedemokrati Sali Berisha e di fare mirë se me votë nuk vjen dot në pushtet, për shkak edhe të shpalljes “non grata” nga SHBA-të. Ngjela u shpreh se qëllimi i Berishës është të shkaktojë krizë politike.
“Saliu këtu do ta destabilizojë dot shoqërinë? Nuk kërkon ai të vijë në pushtet, do destabilizim, as mos e diskutoni këtë. Kërkon lëvizje shoqërore që t’i japë mundësi të krijohet një krizë politike në Shqipëri. Në pushtet vjen me vota, e di ai që nuk vjen dot në pushtet. Nëse PD-ja ka një masë kompakte, qeveria rrëzohet me protesta, kryeministri është i detyruar të japë dorëheqjen. Masë kompakte do të thotë, njerëz shumë, minimumi në 7 qytete të Shqipërisë”, theksoi avokati.
Sipas tij, qeveria mund të rrëzohet me protesta, nëse Partia Demokratike ka një masë kompakte në disa qytete në vend.
Discussion about this post