Ish-kryeministri Sali Berisha ka denoncuar nismën e Këshillimit Kombëtar nga qeveria duke e konsideruar si proces qesharak, pasi ai është institucion që varet nga Parlamenti dhe sipas tij, kryeministri Rama ka dhënë statistika pa miratimin e Kuvendit.
Berisha tha se kjo do të ndikojë tek raportet e EUROSTAT për Shqipërinë, ndërsa shtoi se historia ka treguar se ai është i vetmi që mund të mundë kryeministrin Rama.
“Është procesi më qesharak, në mënyrë të paligjshme tërësisht dhe shkatërruese ka angazhuar pa autorizim të parlamentit INSTAT-in. Ai institucion varet direkt nga parlamenti, nuk mund të prodhojë statistika pa miratimin e parlamentit. Në këtë rast ka përpunuar statistika të qeverisë shqiptare. Keqardhja ime e madhe është se ka nxirë INSTAT por ai është partner i EUROSTAT, me këtë akt ka shumë mundësi që EUROSTAT të marrë qëndrime të dëmshme për vendin tonë. Rama dhe Soros një fushatë të tërë kundër meje, po krijojnë një platformë bindëse dhe dalin me tezën se unë nuk e mund dot Edi Ramën. Po kush e ka mundur Edi Ramën? Dy herë Sali Berisha, në ’92, ’96, edhe në 2001, 2005, 2007, 2011. Nëse ka një njeri që ka trashëgiminë e mundjes së Edi Ramës është Sali Berisha, po keni ndonjë tjetër na e thoni”, tha Berisha.
Discussion about this post