Situata në pallatin 12-katësh i cili u përfshi nga flakët që prej mesditës së sotme (25 dhjetor) është vënë nën kontroll.
Operacioni e evakuim shpëtimit ka përfunduar, ndërsa të gjithë vatrat e zjarrit janë shuar dhe nuk ka më rrezik për evakuimin e tyre.
Një prej banorëve të pallatit ka rrëfyer se çfarë ndodhi në godinën ku ai banonte.
Ai shprehet se ka qenë në punë në momentin që ka rënë zjarri dhe është lajmuar nga bashkëshortja e tij, ndërsa fëmijët dhe vjehrri ndodheshin brenda në banesë.
Pasi ai ka shkuar poshtë pallatit e ka pasur ta pamundur të ngjitej menjëherë lart, por është pritur qetësimi i situatës dhe me ndihmën e policisë dhe forcave zjarrfikës ka nxjerrë familjarët e tij.
Për fat të mirë, të gjithë personat që janë në spital, rreth 42, përfshirë edhe efektivë policie e zjarrfikës janë jashtë rrezikut për jetën.
“Unë isha në punë, sapo bashkëshortja më mori në telefon, e lash punën dhe shkova atje, në momentin që vajta unë ishte e pamundur të ngjiteshe lart, atje ishin kalamajt dhe vjehrri. Sapo u vu gjendja në kontroll, u ngjitëm lart nxorëm në taracë kalamajt dhe vjehrrin në tarraca erdhi policia pastaj dhe i zbritën poshtë. Ishte gjë e frikshme” u shpreh ai.
Kujtojmë që në ndihmë të forcave zjarrfikëse të qytetet erdhi edhe shërbimi zjarrfikës i Tiranës dhe forcat RENEA.
Discussion about this post