Është folur shumë për një klauzolë që Haaland ka në kontratën e tij që të mund të largohet nga Manchester City në vitin 2024 ose 2025. Vlerësohet se shifra që është vendosur në rreth 200 milionë euro dhe që norvegjezi mund ta përdorë atë nëse ai dëshiron të ndryshojë klubin në fund të sezonit të ardhshëm ose atë pasardhës.
Rafaela Pimenta ka deklaruar se gjithmonë u jep lojtarëve të saj një çelës që të mos jenë të lidhur me kontratë dhe të kenë rrugëdalje. Të gjithë e kuptuan se fjalët e avokates i referoheshin klauzolës së lartpërmendur dhe mundësisë që norvegjezi ka për t’u larguar nga ekipi anglez. Fernando Sanz, komentator në “El Chiringuito de Jugones”, deklaroi pak kohë më parë se klauzola ishte për një ekip të vetëm dhe ajo skuadër nuk ishte askush tjetër veçse Real Madrid.
Gjithashtu u tha kur Guardiola rinovoi se klauzola në fjalë lidhej me të ardhmen e Guardiolës dhe se pas rinovimit të trajnerit katalanas ajo u zhduk nga kontrata. Për të gjitha këto, Rafaela Pimenta është pyetur në Mundo Deportivo: “Nuk kam asgjë për të sqaruar. Misteri i kësaj historie është i lezetshëm sepse askush nuk e di se ku është, si një arkë thesari. Është më e bukur dhe si avokate, nuk mund të zbuloj kontratat”, deklaroi Pimenta.
Ajo u pyet edhe për hapin e radhës në karrierën e Haaland: “Ku të dojë. Ai është një lojtar unik. Për mua, cilësia e tij në gjithçka dhe aftësia e tij për të evoluar është shumë mbresëlënëse. Ai është i aftë të përshtatet shpejt me një klub të ri, me lojtarët, me trajnerin… është sikur të kishte qenë gjithmonë atje. Kjo të jep shumë paqe mendore dhe të lejon të ecësh përpara”, tha Pimenta.
“Ai është shumë i qetë në jetën profesionale dhe personale, ka cilësi, sot është në vendin e duhur, me ekipin e duhur dhe me trajnerin e duhur. Në Brazil themi se qielli është kufiri. Mendoj se do të thyejë të gjitha rekordet”, përfundoi përfaqësuesja e norvegjezit.
Discussion about this post