Këshilli i Lartë i Prokurorisë zhvilloi sot mbledhjen plenare të radhës ku u miratuan disa ndryshime. Përmes një njoftimi të publikuar në faqen e saj zyrtare, KLP tregon se ka dhënë miratimin për 3 emra, për të plotësuar kështu vakancat në SPAK.
Këshilli vendosi miratimin e listës me emrat e kandidatëve për prokurorë në Prokurorinë e Posaçme, të cilët plotësojnë kushtet ligjore për ngritjen në detyrë, për : z. Alfred Shehu, z. Elvin Gokaj dhe znj. Sonila Muhametaj (Domi.)
Ndër të tjera gjatë kësaj mbledhje, me propozim të Komisionit për Zhvillimin e Karrierës, KLP vendosi për ngritjen në detyrë të z. Petrit Çano, në pozicionin e Drejtuesit të Prokurorisë pranë Gjykatës së Shkallës së Shkallës së Parë Krujë, dhe të z. Erjon Shehaj, në pozicionin e Drejtuesit të Prokurorisë pranë Gjykatës së Shkallës së Shkallës së Parë Lezhë.
Gjithashtu, me shumicë votash, Këshilli vendosi caktimin e përkohshëm, për një periudhë tremujore, të znj. Suela Beluli, prokurore në Prokurorinë pranë Gjykatës së Shkallës së Parë Fier, në pozicionin e prokurores në Prokurorinë pranë Gjykatës së Shkallës së Parë Lushnje. Sakaq, bëhet me dije se, kandidatët e sipërpërmendur do të vazhdojnë garën e mëtejshme për prokurorë pranë Prokurorisë së Posaçme kundër Korrupsionit dhe Krimit të Organizuar
Discussion about this post