Këshilli Ndërfetar i Shqipërisë ka kërkuar nga Komisioni i Ligjeve që të marrë parasysh propozimin e tyre për ndryshimin e dy neneve të Kodit të familjes, nenit 241 dhe 242.
Lidhur me ndryshimin e nenit 241 Këshilli Ndërfetar i Shqipërisë propozon rritjen e moshës së birësuesit nga mosha 21 vjeç në 35 vjeç dhe në raste të rralla deri në 30 vjeç. Ndërsa sa i përket nenit 242 ku thuhet se: I mituri nuk mund të birësohet nga shumë persona, përveç rastit kur ata janë bashkëshortë. Birësimi i ri lejohet pas vdekjes së birësuesit ose të birësuesve apo pas vdekjes së njërit prej birësuesve, në qoftë se kërkesa është paraqitur nga bashkëshorti i ri i birësuesit, për Këshillin Ndërfetar ajo të bëhet
“I mituri mund të birësohet nga një person i vetëm ose nga persona që janë bashkëshortë ose bashkëjetues vetëm kur provohet se ai apo ata janë të lidhur në martesë apo bashkëjetesë sipas përcaktimeve të neneve 7 dhe 163 të këtij Kodi, dhe që kanë bashkëjetuar në mënyrë të qëndrueshme dhe të vazhdueshme për të paktën 3 vjet.”
Discussion about this post