Pas Kombëtares A dhe Shpresave, sot është radha e 19 vjeçarëve për të luajtur ndeshjen e tyre respektive. Kuqezinjtë e drejtuar nga trajneri Armando Cungu do të përballen me Serbinë në “Elbasan Arena” në kuadër të kualifikueseve të Europianit të vitit të ardhshëm. Shqipëria kërkon të ngrejë kokë pas humbjes së parë 4-0 ndaj Francës e cila i dha një goditje të fortë kuqezinjve.
Sfida ndaj Serbisë cilësohet si një ndeshje ku motivimi është maksimal për shkak të emrit të kundërshtarit ku humbja as që duhet të mendohet. Rivalët ballkanas e kanë fituar ndeshjen e parë në grup ndaj Maqedonisë së Veriut me shifrat 2-1 dhe vijnë në këtë përballje me moralin e lartë. Sfida ndërmjet Shqipërisë dhe Serbisë do të zhvillohet ditën e sotme në orën 14:00.
Discussion about this post