Kryetari i Bashkisë së Melitopol-it në Ukrainë, Ivan Fedorov i cili ishte rrëmbyer disa ditë më parë nga ushtria ruse u lirua dje.
Zëdhënësja e Zyrës presidenciale të Ukrainës, Darya Zarivnaya në një fjalim në një televizion lokal tha se kryetari i Bashkisë së Melitopol-it, Ivan Fedorov është shkëmbyer me 9 ushtarë rusë të cilët ishin marrë peng gjatë luftës.
“Ivan Fedorov u lirua nga robëria ruse. Për atë Rusia ka marrë 9 ushtarë të saj të lindur në vitet 2002-2003. Në të vërtetë këta janë fëmijë”, tha Zarivnaya.
Autoritetet ukrainase dje bënë të ditur lirimin e kreut të Bashkisë së Melitopol-it i cili ishte rrëmbyer më 11 mars nga ushtria ruse.
Presidenti i Ukrainës, Volodymyr Zelensky kishte kërkuar ndihmë nga presidentët e disa vendeve për lirimin e Fedorov-it.
Discussion about this post