Nuk ndalet Janis Karathanos, përfitues i koncesionit të laboratorëve me vlerë mbi 100 milionë euro si dhe të mbi 80 tenderët me vlerë miliona euro përmes kompanisë Pegasus. Ai ka shtrirë tentakulat këtë herë në Spitalin ”Memorial” Fier, të ndërtuar nga presidenti turk Erdogan.
Ditën e sotme, me urdhër të ministres Ogerta Manastirliu, drejtoria e spitalit ka firmosur tenderin me objekt “Blerje kite dhe reagentë”. Për këto materiale do të zbrazen nga arka 670 milionë lekë, të cilat kanë shkuar në gojën e ujkut pa garë fare.
Në dokumentet e tenderit të publikuar të bie menjëherë në sy “Flamuri i Kuq”, që Open Data Albania ua vendos prokurimeve abuzues dhe në shkelje ligjore. Kështu më poshtë do të shohim dhe shkeljet që janë bërë në këtë kontratë.
Së pari, tenderi është dhënë pa garë. Kanë shfaqur interes 3 firma, por njëra prej tyre ishte fiktive sepse nuk kishte dorëzuar ofertë, ndërsa tjetra edhe pse me ofertën më të lirë u skualifikua pa asnjë argument ligjor.
Në përfundim, pa konkurrencë, kontrata iu dha firmës PEGASUS. sh.p.k, në pronësi të Janis Karathano, sikur e cituam më sipër një nga biznesmenët që po bën kërdinë me fondet e shëndetësisë.
Përfitimet nga buxheti i Shëndetësisë
Me koncesionin e laboratorëve Karathano përthith miliona euro dhe punën nuk e bën. Koncesioni drejtohet nga “Labopharma” me seli në Tiranë, “Exalab” me seli në Francë dhe kompania guackë “AB Laboratory Solution” B.V e regjistruar në Hagë të Holandës, e cila është degëzim i firmës PEGASUS
Sipas një dosje që Kontrolli i Lartë i Shtetit që është referuar në SPAK, Ogerta Manastirliu dhe grupi i saj në ministri, i kanë dhënë klientit të tyre Janis Karathano koncesionin në shkelje flagrante të ligjit.
Edhe pse Ogerta Manastirliu ishte paralajmëruar nga Banka Botërore që kompanitë e Karathanos ishin të skeduara për aktivitet kriminal në Spanjë dhe si të tilla nuk duhet ta përfitonin koncesionin, sërish Manastirliu, duke shpërdoruar detyrën, ia dha koncesionin Karathanos.
Ndërkohë, SPAK po vijon hetimet që na viti 2022, por ende asnjë rezultat, ndërsa Karathano vazhdon vjedhjet në bashkëpunim me Manastirliun.
Lexo edhe: Tenderi pa garë: Alma Tafani merr 10 miliardë lekë nga Manastirliu për larjen e çarçafëve
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post